Posts in category: CM Pinarayi Vijayan
സഭയിലെ സംഘര്‍ഷം മുമ്പും കോടതി കയറിയിട്ടുണ്ട്; ഉദാഹരണങ്ങള്‍ നിരത്തി വിഡി സതീശന്‍; ‘മുഖ്യമന്ത്രി വീണിടത്തു കിടന്ന് ഉരുളുന്നു’

നിയമസഭാ കൈയ്യാങ്കളിക്കേസിലെ സുപ്രീം കോടതി വിധിയെ അവഹേളിക്കുകയാണ് മുഖ്യമന്ത്രി ചെയ്തതെന്ന് പ്രതിപക്ഷ നേതാവ് വിഡി സതീശന്‍. സഭയില്‍ ഇന്നലെ മുഖ്യമന്ത്രി നടത്തിയ പരാമര്‍ശങ്ങളെല്ലാം വിധിക്കെതിരായിരുന്നു. വസ്തുതാ വിരുദ്ധമായ കാര്യങ്ങളും സഭയില്‍ പറഞ്ഞന്ന് വിഡി സതീശന്‍ പറഞ്ഞു. മന്ത്രി വി ശിവന്‍കുട്ടിയുടെ രാജി ആവശ്യപ്പെട്ട് സഭാ നടപടികള്‍ ബഹിഷ്‌കരിച്ച ശേഷം മാധ്യമങ്ങളോട് സംസാരിക്കുകയായിരുന്നു പ്രതിപക്ഷ നേതാവ്. സുപ്രീം കോടതി വിധിയെ അവഹേളിച്ചു കൊണ്ടാണ് മുഖ്യമന്ത്രി സഭയില്‍ സംസാരിച്ചത്. ഇന്നലത്തെ അദ്ദേഹത്തിന്റെ പ്രസംഗം മുഴുവന്‍ സുപ്രീം കോടതിയുടെ നിഗമനങ്ങള്‍ക്കെതിരെയായിരുന്നു. ആമുഖത്തിലും […]

‘മാണിയെ അപമാനിച്ച സിപിഐഎം മകനെ എകെജി സെന്ററിലെത്തിച്ചു’; നാണമുണ്ടോയെന്ന് വിഡി സതീശന്‍

കേരള കോൺഗ്രസിന് മന്ത്രിസഭയിൽ ഇരിക്കാന്‍ നാണമുണ്ടോയെന്ന് പ്രതിപക്ഷനേതാവ് വിഡി സതീശന്‍. നിയമസഭാ കയ്യാങ്കളിക്കേസിലേക്ക് വഴിവെച്ച 2015-ലെ സംഭവങ്ങള്‍ ചൂണ്ടിക്കാട്ടിയായിരുന്നു പ്രതിപക്ഷനേതാവിൻ്റെ പരാമർശം. കെ എം മാണിയെ അപമാനിച്ച സിപിഐഎം പിന്നീട് മകനെ എകെജി സെന്ററിലെത്തിച്ചു. എന്നാല്‍ ധൃതരാഷ്ട്ര ആലിംഗനം പോലെയാണ് കേരള കോൺഗ്രസിനെ സിപിഐഎംചേർത്തു പിടിക്കുന്നതെന്നും വി ഡി സതീശൻ പറഞ്ഞു. നിയമസഭാ കയ്യാങ്കളിക്കേസിലെ സുപ്രിം കോടതി വിധിക്ക് ശേഷം കോടതി വരാന്തയിൽ വാദിക്കും പോലാണ് മുഖ്യമന്ത്രിയുടെ സംസാരമെന്നും പ്രതിപക്ഷ നേതാവ് പരിഹസിച്ചു. സുപ്രിം കോടതി വിധിക്ക് […]

‘സഭയിലുണ്ടാവുന്നത് സഭയില്‍ തീരണം’, മറ്റു സംസ്ഥാനങ്ങളിലെ നിയമസഭാ സംഘര്‍ഷങ്ങള്‍ വിവരിച്ച് മുഖ്യമന്ത്രി

നിയമസഭാ കൈയ്യാങ്കളിക്കേസില്‍ ന്യായീകരണം നടത്തി മുഖ്യമന്ത്രി പിണറായി വിജയന്‍. കേസിലെ സുപ്രീം കോടതി വിധിയുടെ പേരില്‍ വിദ്യാഭ്യാസ മന്ത്രി വി ശിവന്‍കുട്ടി രാജി വെക്കേണ്ടതില്ലെന്ന് മുഖ്യമന്ത്രി നിയമസഭയില്‍ പറഞ്ഞു. ശിവന്‍കുട്ടി രാജിവെക്കണമെന്നാവശ്യപ്പെട്ട് പ്രതിപക്ഷം നല്‍കിയ അടിയന്തര പ്രമേയത്തിന് അനുമതി നിഷേധിച്ചു. 2015 ല്‍ നിയമസഭയില്‍ നടന്ന സംഭവങ്ങള്‍ രാജ്യത്തെ ആദ്യ സംഭവമല്ലെന്നാണ് മുഖ്യമന്ത്രി പറഞ്ഞത്. നേരത്തെയും വിവിധ സംസ്ഥാനങ്ങളിലെ നിയമസഭയില്‍ ഇത്തരം പ്രക്ഷുബ്ധമായ സംഭവങ്ങള്‍ ഉണ്ടായിട്ടുണ്ടെന്നും മുഖ്യമന്ത്രി ചൂണ്ടിക്കാട്ടി. 1980 തമിഴ്‌നാട് നിയമസഭയിലെ തര്‍ക്കങ്ങള്‍ പോലീസ് ലാത്തിച്ചാര്‍ജില്‍ […]

‘രാഷ്ട്രീയ ദുഷ്ടലാക്ക് മുൻനിർത്തി നുണപ്രചരണങ്ങൾ അഴിച്ചു വിടുകയാണ് പലരും’; സഭയിൽ അക്കമിട്ട് മുഖ്യമന്ത്രിയുടെ വിശദീകരണം

തിരുവനന്തപുരം: കൊവിഡ് മരണങ്ങളുമായി ബന്ധപ്പെട്ട് വിവാദങ്ങൾക്കിടെ കൊവിഡ് പ്രതിരോധങ്ങളുമായി ബന്ധപ്പെട്ട കേരളത്തിന്റെ നേട്ടങ്ങൾ അക്കമിട്ട് നിരത്തി മുഖ്യമന്ത്രി പിറണായി വിജയൻ. അടിയന്തര പ്രമേയ നോട്ടീസിനുള്ള മറുപടിയായിട്ടായിരുന്നു മുഖ്യമന്ത്രിയുടെ വിശദീകരണം. പൊതുസമൂഹത്തിൽ തെറ്റിദ്ധാരണ പടർത്താനുള്ള ഇത്തരം ശ്രമങ്ങൾ ദൗർഭാഗ്യകരമാണ്. യാഥാർഥ്യം നമ്മുടെ മുൻപിലുണ്ട്. അതു സത്യമാണെന്ന് തെളിയിക്കുന്ന അനുഭവങ്ങൾ ആണ് ജനങ്ങൾക്കുള്ളതെന്നും മുഖ്യമന്ത്രി പറഞ്ഞു. മുഖ്യമന്ത്രി പറഞ്ഞത്; ഇന്ത്യയിൽ ഏറ്റവും ആദ്യം കോവിഡ് റിപ്പോർട്ട് ചെയ്ത സംസ്ഥാനമാണ് കേരളം. എന്നാൽ ഏറ്റവും അവസാനം കോവിഡ് ഉച്ചസ്ഥായിയിൽ എത്തിയ സംസ്ഥാനവും […]

‘ഇടതുകൈ കൊണ്ട് ഫൈനും വലതുകൈകൊണ്ട് കിറ്റും’; അടിയന്തര പ്രമേയവുമായി പ്രതിപക്ഷം

തിരുവനന്തപുരം: കൊവിഡ് പ്രതിരോധത്തിനായുള്ള ലോക്ക്ഡൗണ്‍ ജനജീവിതത്തെ ദുസഹമാക്കിയ സാഹചര്യത്തെ സഭ നിര്‍ത്തിവെച്ച് ചര്‍ച്ചചെയ്യണമെന്ന ആവശ്യമുയര്‍ത്തി പ്രതിപക്ഷം. പ്രതിപക്ഷ ഉപനേതാവ് പി കെ കുഞ്ഞാലിക്കുട്ടിയാണ് അടിയന്തര പ്രമേയത്തിന് നോട്ടീസ് നല്‍കിയത് ലോക്ക്ഡൗണ്‍ നിയന്ത്രണങ്ങള്‍ മൂലം ജീവിക്കാന്‍ മാര്‍ഗമില്ലാതെ നിരവധി പേരാണ് ആത്മഹത്യ ചെയ്തതെന്ന് പ്രതിപക്ഷം സഭയില്‍ ചൂണ്ടിക്കാട്ടി. ലോക്ക്ഡൗണ്‍ അടച്ചിലുകള്‍ അശാസ്ത്രീയമാണെന്നും കുഞ്ഞാലിക്കുട്ടി സഭയില്‍ വ്യക്തമാക്കി. കേരളം ദരിദ്രമായിക്കഴിഞ്ഞു. നിരന്തരം ആത്മഹത്യകളുടെ വാർത്തകളാണ് പുറത്തുവരുന്നത്. സർക്കാരിന്‍റെ നയം ശരിയല്ല. ഒരു കാലത്ത് ഇന്ത്യയ്ക്ക് മാതൃകയായിരുന്ന കേരളം ഇന്ന് പൊളിഞ്ഞു […]

ന്യൂനപക്ഷ സ്കോളര്‍ഷിപ്പ്: ‘സമരം ചെയ്യേണ്ട സാഹചര്യമില്ല’, മുഖ്യമന്ത്രിയുമായുള്ള കൂടിക്കാഴ്ചയിൽ പ്രതീക്ഷയുണ്ടെന്ന് കാന്തപുരം

ന്യൂനപക്ഷസ്കോളർഷിപ്പിൽ നേരത്തേ മുസ്ലിംങ്ങൾക്ക് ലഭിച്ചിരുന്ന അതേ ആനുകൂല്യങ്ങള്‍ തുടർന്നും ലഭിക്കണമെന്നാവശ്യപ്പെട്ട് മുഖ്യമന്ത്രിക്ക് നിവേദനം നൽകിയതായി കാന്തപുരം എപി അബൂബക്കർ മുസ്ലിയാർ അറിയിച്ചു. ന്യൂനപക്ഷസ്കോളർഷിപ്പിലെ 80:20 അനുപാതം റദ്ദാക്കിയ ഹൈക്കോടതി വിധിക്കെതിരെ സർക്കാർ മേൽക്കോടതിയെ സമീപിക്കണമെന്നും കാന്തപുരം ആവശ്യപ്പെട്ടു. വേണ്ടത് ചെയ്യാമെന്ന് മുഖ്യമന്ത്രി കൂടിക്കാഴ്ചയിൽ ഉറപ്പ് നൽകിയതായും കാന്തപുരം പറഞ്ഞു. വിഷയത്തില്‍ അടിയന്തരമായി സർക്കാർ ഇടപെടണം, മേൽക്കോടതിയെ സമീപിക്കണം. സർക്കാർ മേൽക്കോടതിയെ സമീപിച്ചേ പറ്റൂ എന്നതാണ് ഞങ്ങളുടെ നിലപാട്. ഇക്കാര്യത്തിൽ വേണ്ടത് ചെയ്യാമെന്ന് ഉറപ്പ് തന്ന മുഖ്യമന്ത്രി, നേരത്തേയുള്ള […]

‘അതൊക്കെ നിയമസഭയിൽ ചീറ്റിപ്പോയതല്ലേ’; എകെ ശശീന്ദ്രനെതിരായ ആരോപണത്തിൽ മുഖ്യമന്ത്രി

എകെ ശശീന്ദ്രനെതിരായ ആരോപണങ്ങൾ നിയമസഭയിൽ തന്നെ ചീറ്റിപ്പോയതല്ലേയെന്ന് മുഖ്യമന്ത്രി പിണറായി വിജയൻ. ശശീന്ദ്രനെതിരായ ആരോപണവുമായി ബന്ധപ്പെട്ട മാധ്യമപ്രവർത്തകന്റെ ചോദ്യത്തിന് ഉത്തരമായിട്ടാണ് മുഖ്യമന്ത്രിയുടെ ഇക്കാര്യം പറഞ്ഞത്. നേരത്തെ നിയമസഭയിലും സമാന വിശദീകരണവുമായി മുഖ്യമന്ത്രി രം​ഗത്തുവന്നിരുന്നു. പാർട്ടിക്കാർ തമ്മിലുള്ള പ്രശ്‌നം പരിഹരിക്കുക എന്ന നിലയ്ക്കാണ് ശശീന്ദ്രൻ ഫോൺ വിളിച്ചതെന്നായിരുന്നു സഭയിൽ മുഖ്യമന്ത്രി പറഞ്ഞത്. വിഷയത്തിൽ ശശീന്ദ്രനെ തെറ്റ് പറയാനാവില്ലെന്നും അദ്ദേഹം സഭയിൽ പറഞ്ഞു. പരാതിയിൽ 20.07.2021 ൽ IPC 354, 509, 34 എന്നീ വകുപ്പുകൾ പ്രകാരം കുണ്ടറ പോലീസ് […]

‘എന്‍സിപി അന്വേഷിക്കാനാണെങ്കില്‍ പിന്നെ പൊലീസും കോടതിയും എന്തിന്’; മുഖ്യമന്ത്രി വേട്ടക്കാരെ സംരക്ഷിക്കുന്നെന്ന് കെ സുരേന്ദ്രന്‍

സ്ത്രീപീഡന കേസില്‍ നിന്നും എന്‍സിപി നേതാവിനെ രക്ഷിക്കാന്‍ ശ്രമിച്ച മന്ത്രി എകെ ശശീന്ദ്രനെ സംരക്ഷിക്കുന്ന മുഖ്യമന്ത്രി ഇരയെ അപമാനിക്കുകയാണെന്ന് ബിജെപി സംസ്ഥാന പ്രസിഡന്റ് കെ.സുരേന്ദ്രന്‍ ആരോപിച്ചു. സത്യപ്രതിജ്ഞാലംഘനം നടത്തിയ മന്ത്രിയെ മുഖ്യമന്ത്രി സംരക്ഷിക്കുന്നത് കേരളത്തിലെ ജനാധിപത്യത്തിന് തീരാകളങ്കമാണ്. പിണറായി വിജയനും സര്‍ക്കാരും വേട്ടക്കാര്‍ക്കൊപ്പമാണ് എന്ന് നിരന്തരം തെളിയിക്കുകയാണ് എന്നും സുരേന്ദ്രന്‍ പ്രസ്താവനയില്‍ പറഞ്ഞു. മന്ത്രി എകെ ശശീന്ദ്രന്‍ ഉടന്‍ രാജിവെക്കണം. ഇല്ലെങ്കില്‍ പുറത്താക്കാനുള്ള ആര്‍ജവം മുഖ്യമന്ത്രി കാണിക്കണം. മുഖ്യമന്ത്രിയില്‍ നിന്നും നീതി കിട്ടിയില്ലെന്ന് പെണ്‍കുട്ടി പറഞ്ഞത് കേരളത്തിന് […]

‘ആർഎംപി നേതാക്കൾക്ക് സര്‍ക്കാര്‍ സുരക്ഷ നൽകണം’; മുഖ്യമന്ത്രിക്ക് പ്രതിപക്ഷനേതാവിന്‍റെ കത്ത്

ആര്‍എംപി നേതാക്കള്‍ക്കെതിരായ ഭീഷണിക്കത്തിന്‍റെ പശ്ചാത്തലത്തില്‍ ആർ എം പി നേതാവ് കെ കെ രമയുടെ കുടുംബത്തിനും പാർട്ടി സെക്രട്ടറി വേണുവിനും സർക്കാർ സുരക്ഷ നൽകണമെന്ന് ആവശ്യപ്പെട്ട് പ്രതിപക്ഷ നേതാവ് വിഡി സതീശൻ മുഖ്യമന്ത്രിക്ക് കത്ത് നൽകി. കേരള ചരിത്രത്തിലെ ഏറ്റവും നിഷ്ഠൂരമായ രാഷ്ട്രീയ കൊലപാതകമായിരുന്നു ടി പി ചന്ദ്രശേഖരന്റേത്. ടി പി വധക്കേസ് പ്രതികൾക്ക് ജയിലിലും അഴിഞ്ഞാടാൻ സർക്കാർ സൗകര്യം ഒരുക്കിയതിന്റെ പരിണിത ഫലമാണ് ആർ എം പി സെക്രട്ടറി വേണുവിനും കെ കെ രമ എംഎൽഎയുടെ […]

ശശീന്ദ്രനെ പിന്തുണയ്ക്കാൻ സർക്കാർ മുതിർന്നേക്കില്ല; രാഷ്ട്രീയ ആയുധമാക്കാൻ പ്രതിപക്ഷം

ഫോൺ വിളി വിവാദത്തിൽ എ കെ ശശീന്ദ്രനൊപ്പം സർക്കാരും കുരുക്കിലേക്ക്. സ്ത്രീ സുരക്ഷയ്ക്ക് വലിയ പദ്ധതികളുടെ പ്രഖ്യാപനങ്ങളുമായി സർക്കാർ മുന്നേറുമ്പോൾ മന്ത്രിസഭാ അം ഗം പീഡന പരാതി ഒതുക്കി തീർക്കാൻ ശ്രമിച്ചെന്ന ഗുരുതര ആരോപണമുയരുന്നത്. പീഡന പരാതി ഒതുക്കാൻ മന്ത്രി ശ്രമിച്ചതിന് തെളിവായി ശബ്ദസന്ദേശമടക്കം പുറത്തുവന്നതിനാൽ വിഷയത്തിൽ സർക്കാർ പ്രതിരോധത്തിലാവുമെന്ന് തീർച്ചയാണ്. എ കെ ശശീന്ദ്രന് ഇക്കാര്യത്തിൽ നേതാക്കളുടെ പരസ്യ പിന്തുണയും ലഭിച്ചേക്കില്ല. വിഷയം പ്രതിപക്ഷം ഏറ്റെടുത്തതോടെ മന്ത്രിയുടെ രാജിയെന്ന ആവശ്യവും ഉയർന്നുകഴിഞ്ഞു. സ്ത്രീകള്‍ക്ക് എതിരായ അതിക്രമങ്ങള്‍ […]